SAFARI NI SAFARI HATA KAMA MVUA INANYESHA SANA

 Gari la Halmashauri ya wilaya ya Serengeti likisukumwa baada ya kukwama ndani ya Hifadhi ya Taifa ya Serengeti  wakati wanatoka kusindikiza Mwenge wa Uhuru eneo la Krensi kutokana na Mvua zinazoendelea kunyesha,hata hivyo safari iliendelea kama kawaida baada ya kulikwamua.

SOMA ZAIDI

MIKAKATI YA TANZANIA YA VIWANDA SERENGETI YAMVUTIA RC

Mkuu wa Mkoa wa Mara Dk Charles Mlingwa akiwa na viongozi wa wilaya ya Serengeti kwenye eneo la ujenzi wa kiwanda cha kukamua mafuta ya alizeti chini ya Kampuni ya Lumuye Leopard Co.Ltd eneo la Tambisa Mugumu Serengeti.
Katika mjadala wa Pamoja viongozi hao wamekubaliana kuwa huduma ya Maji na Umeme ifikishwe eneo hilo ili kurahisisha kazi za ujenzi ambao unatarajiwa kuanza wakati wowote.
Hata hivyo Ded Serengeti Juma Hamsini amemtaka mwekezaji huyo kuchangia gharama za kusambaza maji ili kuharakisha huduma hiyo,kwa kuwa katika bajeti ya Muguwasa hawakuwa na fedha za kupeleka maji eneo hilo zaidi ya kilometa mbili
Mkurugenzi wa Kampuni hiyo Mgiye Chacha amesema yuko tayari kuchangia gharama ili kumpunguzia gharama za kufuata maji kisimani

Viongozi wakijadiliana

Rc Mlingwa amesema kazi ya serikali ni kuandaa mazingira wezeshi kwa wawekezaji,hivyo kupeleka maji na umeme ndiyo kazi ya serikali,na kuomba utekelezaji ufanyike kwa haraka.

Mgiye Chacha Mkurugenzi wa Lumuye Leopard Co.Ltd kushoto anasema kutokuwa na maji na umeme wanatumia gharama kubwa na kazi za ufyatuaji matofali inakwenda taratibu.

SOMA ZAIDI

BURUDANI ZILITAWALA MAKABIDHIANO YA MWENGE WA UHURU MARA NA ARUSHA

 Burudani mbalimbali zilitawala makabidhiano ya mwenge wa Uhuru katika eneo la Krensi Loliondo wilaya ya Ngorongoro Mkoa wa Arusha ,

 Ngoma ya Masai ambayo wachezaji hurika na kutua pale pale hawasongi mbele wala kurudi nyuma

 Mwenge ukikatiza maeneo ya hifadhi,raha ya utalii hiyo

 Mbwembwe na madoido toka kwa wasanii mbalimbali zilihanikiza

Viongozi wa Mkoa wa Mara wakiwa wamejipanga tayari kwa makabidhiano

SOMA ZAIDI

NG'OMBE ZAIDI YA 385542 KUWEKEWA ALAMA SERENGETI

 Mkuu wa wilaya ya Serengeti Nurdin Babu akizindua zoezi la uwekaji alama kwa mifugo katika kijiji cha Singisi kata ya Nagusi,amesema wafugaji wataoshindwa kuwekea alama mifugo yao,kusajiri na kuwa na vitambulisho watakuwa wamepoteza sifa za kuwa wafugaji.
Amesema mpango huo unaochangiwa na mfugaji kwa kila ng'ombe sh 500 unalenga kupunguza migogoro kati ya wafugaji ,wahifadhi,wakulima na wawekezaji kwa kuwa utaiwezesha serikali kupata taarifa sahihi za wafugaji na malisho yaliyopo.

 Diwani wakata ya Nagusi Jaksoni Manyeresa akiweka alama ng'ombe

 Afisa mifugo Mesanga naye akiweka alama

 Wananchi wakiwa wanafuatilia maagizo ya serikali ya uwekaji alama

 Wafugaji wanafuatilia kwa makini ili waweze kuanza utekelezaji bila migongano na serikali

 Mjadala

SOMA ZAIDI

MAPAMBANO DHIDI YA MALARIA,WAJAWAZITO WAPEWA VYANDARUA

Ili kuttekeleza moja ya Ujumbe wa Mwenge mwaka huu,kiongozi wa mbio za Mwenge kitaifa Amour Hamad Amour amegawa vyandarua kwa wajawazito katika zahanati ya Busawe wilaya ya Serengeti muda mfupi baada ya kuifungua kwa ajili ya kutoa huduma kwa wakazi wa kata hiyo na maeneo ya jilani.

Hata hivyo mkakati ni kukifanya kituo cha afya muda si mrefu.

Mradi wa kusindika unga wa Mhogo Kijiji cha Miseke

 Dc Nurdin Babu anapokea Mwenge kutoka kwa Dc wa Tarime eneo la Marasomoche

 Itifaki ikiwa imezingatiwa

SOMA ZAIDI

BURUDANI ZILITAWALA MKESHA WA MWENGE SERENGETI

 Nuru sanaa walikuwa miongoni mwa vikundi vilivyokonga nyoyo za wananchi kutokana na burudani kem kem katika mkesha wa Mwenge Uwanja wa Mbuzi,licha ya kuwepo mvua iliyoambatana na upepo lakini wananchi hawakukimbia ,

 Kupandwa kwa mti wa maadili Ikorongo sekondari ni moja ya tukio kubwa lililofanywa na kiongozi wa mbio za mwenge kitaifa

 Bweni la watoto wenye ulemavu shule ya msingi Mugumu limefunguliwa

 Mkuu wa wilaya Nurdin Babu akipokea mwenge wakati wa risala ya utii ikisomwa

 Wanasubiri maelekezo

 Matukio mbalimbali yalijiri

 Ngoma hii ilikuwa miongoni mwa zilizowaburudisha wananchi

Kiongozi wa Mbio za mwenge Kitaifa Amour Hamad Amour akitoa salam za mwenge

SOMA ZAIDI

SERENGETI WAHITIMISHA MBIO ZA MWENGE KWA KUMWAGIWA SIFA

Mkuu wa wilaya ya Serengeti Nurdin Babu akikabidhi risala ya Utii kwa kiongozi wa mbio za mwenge kitaifa Amour Hamad Amour katika Uwanja wa Mbuzi Mugumu ,kiongozi huyo amewamwagia sifa viongozi na wananchi kutokana na mpangilio mzuri wa mapokezi ya mbio za mwenge wilayani humo.

Amesema mbali na mipangilio mizuri pia miradi yao imetekelezwa kwa kiwango kinachowiana na gharama husika kutokana na ubora,pia jamii ya wakazi wa wilaya hiyo waishio nje ya wilaya wanavyochangia miradi ya kijamii ikiwemo ujenzi wa zahanati ya Busawe,Ofisi ya Kijiji na Bweni la wavulana Ngoreme sekondari.

Viongozi wakibadilishana mawazo

Makamanda nao hawakuwa nyuma walikaa kwa umoja huku wakihakikisha ulinzi na usalama umeimarika

Brass band toka Tanapa walihanikiza katika mapokezi ya mbio za mwenge

Washiriki wakiwa katika makundi huku wakijjadiliana mambo kadha wa kadha

Makamanda wakiwa imara kabisa kusubiri maelekezo mengine

SOMA ZAIDI

KLABU YA WAPINGA RUSHWA IKORONGO SEC SERENGETI YAKONGA NYOYO ZA WAKIMBIZA MWENGE KITAIFA

 Kiongozi wa mbio za Mwenge Kitaifa Amour Hamad Amour akikabidhi cheti cha ufunguzi wa klabu ya wapinga rushwa Ikorongo sekondari wilayani Serengeti baada ya kuridhishwa na uelewa wa klabu hiyo na kuagiza wafanye midahalo ndani na nje ya shule kuhusiana na athari za rushwa kwa jamii,kiuchumi na kiusalama,mwenge umemaliza mbio zake mkoa wa Mara na kuanza mkoa wa Arusha .
katika wilaya ya Serengeti jumla ya miradi saba imezinduliwa,kuwekwa jiwe la msingi na kufunguliwa ikiwa na thamani ya zaidi ya sh 1.9 bil.

Walinzi wa mwenge wakiwa kwenye majukumu yao

 Katika maswali ya papo kwa na klabu ya wapinga rushwa Ikorongo sekondari ,kiongozi wa mbio za Mwenge kitaifa amekiri kuwa hakuna kama hao kwa uelewa hadi vifungu,na kuwamwagia sifa Takukuru kwa kuwaandaa vema vijana hao ambao watakuwa chachu ya mabadiliko kwa jamii kuepuka kutoa na kupokea rushwa ili kujenga taifa lenye maadili.

 Kila aliyeguswa alijibu sawasawa licha ya kuwa na maswali ya mtego

 Mambo yalivyokuwa Uwanja wa Mbuzi Mugumu

Meza ya klabu ya wapinga rushwa Ikorongo sekondari ikipitiwa na wakimbiza Mwenge kitaifa,hata hivyo mpangilio wao uliwakosha

SOMA ZAIDI